Modelja e njohur Bella Hadid po perjeton një sezon shumë të mirë, jemi duke e parë gati në çdo shfaqje mode në New York fashion week. Edhe pas shumë arritjeve në këtë fushë, Bella ende emocionohet teksa sfilon…Bëhet fjalë për dy raste këtë sezon.
Rasti i parë bën fjalë për sfilatën Prabal Gurung të së dielës. Prezantimi ishte tepër emocional pasi prekte një temë shumë të ndjeshmë siç është ajo e feminizmit. Modelet sfiluan me bluza me mëngë të shkurtra të cilat kishin slogane politike të tipit “E ardhmja është femër”,(veshur nga Bella Hadid) ose “Kështu duken feministet” veshur nga vetë Gurung.
“Unë isha duke ecur, kur pashë Prabal që po vinte duke qarë, u emocionova dhe u përlota nga ajo shfaqje e bukur. Të gjithë u përlotën, ishte diçka për të cilën na bëri të ndjehemi krenare. Ishte e pabesueshme.”
“Faleminderit P. për këtë koleksion të bukur dhe për këtë shfaqje të madhe”, shkroi Bella në Instagramin e saj për stilistin.
Një ditë më pas, Hadid mori pjesë në një tjetër sfilatë, ajo mbylli shfaqjen e Oscar de la Renta. Modelja na tregoi se edhe në këtë rast ishte shumë e emocionuar.
“Dua të them, përsëri qava! Nuk e di nëse ishte pikërisht kjo javë emocionuese, por të tilla shfaqje kanë një rëndësi të madhe për mua. Është një brand ikonë. Kam qarë kur kam mësuar që do të jem pjesë e shfaqjes dhe jam emocionuar akoma më tepër kur kam dëgjuar që unë do ta mbyll atë. Kam mbetur pa fjalë,” ka shtuar më pas modelja.
Bella Hadid ka vazhduar të tregojë mirënjohje edhe pas sfilatës, ajo e ka përmbledhur me një postim në Instagram: “ Duke mbyllur shfaqjen @oscardelarenta natën e kaluar. Dikush të më pickojë!!!! Të sfiloja në këtë shfaqje dhe ta mbyllja atë e vetme ishte një gjë shumë e madhe për mua…Më duket kaq joreale! Jam shumë mirënjohëse ❤ Faleminderit, Oscar de la Renta”
Bella ka shumë për të falenderuar, dhe java e modës (muaji i modës në fakt) ende nuk ka përfunduar.
