Vatra e zjarrit në Novoselë është riaktivizuar mëngjesin e kësaj të mërkure. Flakët kanë rikthyer alarmin në zonë. Një shtëllungë e madhe tymi është ngritur mbi vendin ku zjarri ra një ditë më parë. Zjarri përfshiu shkurre, barishte dhe ullinj. Të martën, zjarrfikësit arritën ta izolonin dhe të pengonin përhapjen e tij. Megjithatë, errësira nuk lejoi shuarjen e plotë të vatrës.
Me rikthimin e flakëve, ekipet zjarrfikëse janë rikthyer në terren. Shkaqet e zjarrit nuk dihen ende. Autoritetet po monitorojnë situatën.
