Sot nis zbatimi i amnistisë penale, nga e cila përfitojnë 1,335 të dënuar. Amnistia përfshin të dënuarit me vendim të formës së prerë deri më 31 maj 2026. Lirim përfitojnë burrat e dënuar deri në 3 vite burg dhe gratë deri në 4 vite, si edhe të dënuarit që u kanë mbetur për të vuajtur po kaq vite dënim. Përfitues janë gjithashtu të mitur dhe persona mbi 60 vjeç (burra) e 50 vjeç (gra), nëse plotësojnë kushtet e ligjit.
Jashtë amnistisë mbeten të dënuarit për vepra të rënda penale, si vrasja, përdhunimi, trafikimi i qenieve njerëzore dhe krime të tjera të rënda. Nuk përfitojnë as personat e dënuar nga GJKKO dhe subjektet që hetohen apo gjykohen nga SPAK, si edhe ata që i janë shmangur drejtësisë.
