Momente paniku janë regjistruar mbrëmjen e sotme në lagjen Ali Demi në Tiranë, ku një zjarr ka rënë në një pallat në kompleksin “Kadiu”, duke shkaktuar frikë dhe evakuim të banorëve. Flakët dyshohet se kanë nisur nga një shkëndijë elektrike, ndërsa tymi ka pushtuar ambientet e pallatit, duke vënë në rrezik banorët.
Banorët tregojnë se alarmi i pallatit është aktivizuar, janë fikur dritat dhe shumë persona kanë dalë me nxitim nga banesat për shkak të frikës dhe tymit të dendur.
Sipas tyre, situata u bë edhe më dramatike për shkak të mungesës së aksesit për mjetet e emergjencës.
