Ish zv kryeministrja për të cilën SPAK ka kërkuar të jetë në burg, Belinda Balluku, nuk e ka humbur influencën mbi ministrat. Ajo është parë në imazhe në Lushnje duke i prirë karvanit ku rolet dytësore i luanin ministri i Bujqësisë dhe Zhvillimit Rural, Andis Salla dhe zëvendësministri Dhimitër Kote.
Pasi u largua me një ceremoni pompoze nga posti, si pasojë e një vendimi të Gjykatës Kushtetuese, "Bela" që është vendosur me zyra në selinë rozë ku zhvillon dhe pritjet me popullin, i ka prirë në disa qarqe deputetëve të zonës, si në Fier dhe në Dibër, duke dashur të demostrojë forcë.
-
Ceremonia për Ballukun, psikoza e nderimit të hajdutëve
6 Mars, 20:09
Por interesante është të shihet se ajo e ruan pushtetin edhe mbi qeverinë e sidomos mbi ata ministra që i ka imponuar vetë. Përshëmbull në Lushnje ajo është parë në një vizite në AgroPikën, ku fermerët po marrin asistencë për procesin e aplikimit për Skemën Kombëtare të Mbështetjes në Bujqësi 2026. Sado propoganistike që të duket, në fund të fundit kjo është një punë që i përket qeverisë dhe ku nuk ka pse ngatërrohet një deputete apo ish ministre.
Por me sa duket këtë inspektime që i shpërndajnë për mediat antërët rishtarë të kabinetit përpos mesazhit se qeveria po punon kanë edhe një tjetër midis reshtave: atë drejtuar SPAK-ut se Belën nuk e dorzojmë. Prandaj dhe ish zv/kryeministrja shfaqet me imazhin e asaj që ende kontrollon ministart.
LAPSI.AL
