Rruga e Kombit është kthyer këtë mëngjes në një varg të gjatë automjetesh. Radhët shtrihen për kilometra, ndërsa pritjet për drejtuesit shkojnë nga 40 minuta deri në një orë. Situata më e rënduar paraqitet pranë mbikalimit të Rrëshenit, ku rruga ngushtohet nga katër në dy korsi.
Fluksi i lartë lidhet edhe me largimin e diasporës nga vendet e rajonit drejt shteteve europiane ku jetojnë dhe punojnë. Vonesat shtohen më tej në segmentin Rrëshen–Milot, ku qarkullimi zhvillohet në dy korsi me kahe të kundërta.
Ndërkohë, në këtë nyje të rëndësishme nuk kishte patrullë të Policisë Rrugore për të menaxhuar trafikun dhe për të ndihmuar në normalizimin e qarkullimit.
