Një person është plagosur mesditën e sotme në Shkodër. Nga të shtënat me armë raportohet se është plagosur Vladimir Bruci, një emër i njohur për Policinë.
Ai është qëlluar disa herë me armë pranë shtëpisë së tij dhe është transportuar me urgjencë në spital. Në qershor 2024, Vladimir Bruci u dhunua me sende të forta nga 5 persona, mes tyre boksieri Arlind Kajoshi, për një vend parkimi.
Mësohet se autor i plagosjes është shtetasi Pjerin Bitani dhe shkak dyshohet se ka qenë një debat për kamerat e sigurisë. I plagosuri është transportuar për në spital, ku po merr ndihmën mjekësore, ndërsa policia është vënë në ndjekje të autorit.
