Është vënë plotësisht në kontroll zjarri që përfshiu një ditë më parë pyllin me pisha në zonën e Ranës së Hedhun në Shëngjin.
Forcat zjarrfikëse dhe ekipet e emergjencave civile kanë arritur shuarjen totale të flakëve në orët e mëngjesit të sotmë.
Bëhet me dije se në operacionin për fikjen e zjarrit dhe parandalimin e përhapjes së flakëve drejt banesave dhe bizneseve erdhën edhe forca zjarrfikëse nga Mirdita, Kamza, Vau i Dejës, Kurbini dhe Lezha.
Ndërkohë kanë nisur hetimet për zbardhjen e plotë të shkaqeve të nisjes së flakëve dhe nëse ishte zjarrvënie e qëllimshme apo aksidentale.
