Kryetari i PD-së, Sali Berisha ka mbërritur në Pallatin e Kongreseve për Kuvendin Kombëtar. Berisha shoqërohet nga bashkëshortja e tij, Liri Berisha, kreu i Grupit Parlamentar të PD-së, Gazment Bardhi dhe Sekretari i Përgjithsëm, Flamur Noka.
Kuvendi Kombëtar voton sot për propozimet e kryesisë dhe për zgjedhjen e 200 anëtarëve të Këshillit Kombëtar. Ky Këshill do të zgjedhë javën e ardhshme kryesinë e PD, sekretarin e Pergjithshëm, nënkryetarët e të gjithë funksionarët e tjerë.
Ndërkohë në Kuvend do të paraqiten propozimet për ndryshimet statutore, të cilat do të kalojnë për diskutim dhe më pas do t’i nënshtrohen votimit nga delegatët.
Ndër të tjera pritet që PD të përcaktojë edhe drejtimet politike dhe organizative që kjo forcë politike do të ndjekë në periudhën e ardhshme.
