Policia ka zbardhur rrethanat e konfliktit ndërmjet disa personave, i cili ndodhi më 11 gusht, në rrugën “Gjolekë Kokona”, ku dhe u qëllua me armë zjarri. Në kuadër të kësaj janë arrestuar katër persona, të cilat akuzohen për veprat penale “Moskallëzimi i krimit”, “Përkrahja e autorit”, “Veprime që pengojnë zbulimin e së vërtetës” dhe “Përkrahja e autorit të krimit”.
Gjithashtu u proceduan në gjendje të lirë, për veprën penale “Moskallëzimi i krimit”, 4 persona të tjerë. Policia ka shpallur në kërikim edhe dy persona të cilët akuzohen për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit”, “Moskallëzimi i krimit” dhe “Përkrahja e autorit të krimit”.
