Kryeministri Edi Rama ka bërë një reagim të shkurtër në rrjetet sociale pas takimit që zhvilloi me ministrat dhe drejtuesit politikë të qarqeve të PS. Pa dhënë shumë detaje Rama thotë se është folur për “Besën” që shihet si një përgjigje për protestat që i kërkojnë dorëheqjen.
“Vijuam sot punën intensive për detajimin e programit të sezonit të ri, duke nisur nga kalendarizimi i Pranisë Besnike në çdo territor, mekanizmat e rinj të ndërveprimit qeveri - deputetë në funksion të përmirësimit të mëtejshëm të shërbimeve publike qendrore e vendore, si edhe hartimi i ndryshimeve ligjore për PasqyrAlbania.
Po ashtu u diskutua progresi i bërë me hartimin e nismës së integruar Shqipëria Sociale, të cilës do t’i kushtohet një Konferencë e posaçme Kombëtare në muajin nëntor” – shkruan Rama.
Në radhët e socialistëve janë në ankth këto ditë për shkak të shtimit të zërave për ndryshime në qeveri. Ashtu siç e ka bërë traditë Rama i njofton ndryshimet në sekondë të fundit. ©LAPSI.al
