Përplasjet gjatë protestës te Parlamenti, qytetarët bllokojnë kryqëzimin e Unazës te Rruga e Elbasanit. Para Kuvendit, ku sot zhvillohet seanca e fundit plenare e kësaj legjislature, protestuesit janë mbledhur sërish në protestë. Policia ka marrë masa për rrethimin e Kuvendit në një perimetër që shkon nga “Rruga e Elbasanit” te Ministria e Brendshme, një perimetër më i gjerë sesa herët e tjera. Protestuesit kanë arritur të heqin një pjesë të gardhit metalik duke u përplasur me policinë dhe duke i qëlluar ata me vezë e domate.
“Deputetë frikacakë”, thërrasin protestuesit.
