Kreu i grupit parlamentar të PD, Gazment Bardhi, ka ndarë një video në rrjetet sociale, ku duket sipas tij Ron Yeffet duke dalë nga Kryeministria.
“Edi Rama ka ndërtuar, një model qeverisjeje ku interesi publik është zëvendësuar nga interesat e një rrethi të ngushtë njerëzish dhe biznesesh. Pikërisht për këtë arsye, çdo marrëdhënie mes zyrtarëve të lartë dhe personave që përfitojnë apo synojnë të përfitojnë nga pasuritë dhe fondet publike duhet të jetë transparente dhe e verifikueshme. Kjo është edhe arsyeja pse pamjet e publikuara më poshtë, ku Ron Yeffet shfaqet duke dalë nga Kryeministria pas një takimi me Edi Ramën, sikur të ishte një personalitet i lartë shtetëror, kërkojnë shpjegime të qarta. Një marrëdhënie kaq e afërt, nuk mund të trajtohet si një çështje private kur në mes janë interesa të rëndësishme publike dhe të sigurisë kombëtare”, shkruan Bardhi, ndërsa Prokuroria e Posaçme ushtroi sot kontrolle në banesën e Yeffet, kontrolle që vijnë pas publikimit të përgjimeve nga ish-zëvendëskryeministri Arben Ahmetaj.
