Një video po qarkullon në internet ku shihet momenti i tmerrshëm kur një 22-vjeçar nga Gaboni sulmon një 55-vjeçar me një thikë 21 centimetrash jashtë një bari në Milano.
Incidenti i dhunës ekstreme ka tronditur Italinë. I riu dyshohet se e goditi 20 herë me thikë personin e panjohur për të. Lamine Saidili, 22 vjeç, u arrestua të shtunën dhe sipas aktakuzës kishte vepruar pa një motiv paraprak.
Gambian Man Stabs 55-Year-Old Italian Man 20 Times In Random Morning Attack Outside Quiet Milan Bar.
— BritMatters ?? (@britmatters) July 6, 2026
CCTV Footage.#News #Italy #CrimeNews https://t.co/ZQI0MEviLK pic.twitter.com/uwj8AdPecD
Prokurori i Milanos, Elio Ramondini, i kërkoi gjykatës të konfirmonte arrestimin me akuzën e vrasjes së mbetur në tentativë, duke vënë në dukje se ekziston rreziku i arratisjes dhe i përsëritjes së një akti të ngjashëm.
Sipas hetimit të prokurorit, Saidili, i cili ka lindur në provincën e Trevisos sulmoi pa thënë asnjë fjalë iu afrua viktimës nga pas duke i shkaktuar rreth 20 goditje në kokë, qafë, gjoks dhe bark.
22-vjeçari po mbahet në burgun e San Vittore dhe pritet të paraqitet para hetuesit Luigi Iannelli. Lidhur me motivet, prokurorët po citojnë deklaratën që ai dyshohet se ka bërë pas arrestimit: "E shijova. Sapo të dal, do ta bëj përsëri."
Rasti nxiti ndërhyrjen e numrit 2 të qeverisë italiane dhe kreut të Lidhjes, Matteo Salvini.
"Fjalë tronditëse. A i pëlqeu dhe a do ta bënte përsëri? Atëherë nuk duhet të dalë kurrë nga burgu", - shkroi ai në një postim në rrjetet sociale. ©LAPSI.al
