́Një histori emigracioni dhe përballjeje mes kulturave ka triumfuar në festivalin e filmit në Kanë.
Filmi i regjisorit rumun Cristian Mungiu, “Fjord” ka fituar palmën e artë duke trajtuar temën e një çift rumunësh fetarë që zhvendosen në Norvegji për një jetë më të mirë, por përfundojnë në qendër të një hetimi për abuzim ndaj fëmijëve për shkak të mënyrës së ashpër të edukimit që përdorin ndaj djalit të tyre
Por ndërsa në komunitetin e tyre religjoz kjo mënyrë edukimi konsiderohej normale, në Norvegji, autoritetet e interpretojnë ndryshe. Kjo përplasje mes kulturave, emigracionit, fesë dhe kufirit të hollë mes disiplinës dhe dhunës janë tema kryesore që Mungiu trajton duke u ngjitur në majë të kinemasë europiane.
19 vite pasi fitoi për herë të parë “Palmën e Artë” me filmin ikonik “4 Muaj, 3 Javë dhe 2 Ditë”, ky regjizor ka triumfuar sërish.
Me fitoren e “Fjord”, Cristian Mungiu bëhet regjisori i 10-të në histori që fiton dy herë Palmën e Artë, duke u bashkuar me emra legjendarë si Francis Ford Coppola, Michael Haneke, Ken Loach dhe Ruben Öslund.
Lapsi.al
