Punonjësit e Gardës kanë penguar sot hyrjen në Kuvend në seancë plenare të kryetarit të Partisë Mundësia Agron Shehaj. Pavarësisht se përjashtimi me 30 ditë i tij ka përfunduar në datën 22 korrik, Garda nuk e ka njohur dokumentin që Shehaj u ka paraqitur punonjësit e Gardës
“Mos më shty, afati ka mbaruar, hape rrugën, ka skaduar në datën 22 korrik pas 30 ditëve përjashtim. Ore jeni të ccmendur apo jo, si më ndaloni mua të hyj në Kuvend? Ku është komandanti i Gardës? Po të prish punë? Ti po më ndalon mua të hyj në Kuvend dhe unë po të prish punë ty?”, është shprehur Shehaj gjatë momenteve të tensionit tek dera e Kuvendit.
