Gjykata e Lartë ka lënë në fuqi vendimin e vitit 2021 të Apelit të GJKKO për Emiljano Shullazin dhe grupin e tij. Gjyqtarët kanë lënë në fuqi dënimin me 55 vite burg në total për 5 të akuzuarit, për 'gjobëvënie' dhe 'grup të strukturuar kriminal'. Në vendimin e formës së prerë të 5 viteve më parë, Emiljano Shullazi u dënua me 14 vite burg, Endrit Qyqja dhe Endrit Zela me nga 10 vite burg dhe Blerim Shullazi 9 vite burg. Për Gilmando Danin i cili ishte dënuar me 12 vite burg, Gjykata e Lartë ka vendosur mospranimin e rekursit pasi ai nuk jeton më. Dani ashtu si gjithë të akuzuarit e tjerë përveç Emiljano Shullazit, ishte liruar dhe u ekzekutua në një atentat mafioz nëntorin e vitit 2025 në rrethrrotullimin e Rinasit bashkë me mikun e tij, agjentin e AMP, Mustafa Sheqeri.
Ndërkohë Shullazi mbahet në qeli edhe për dy dosje të tjera të SPAK lidhur me vrasjet e vitit 2005, të Vajdin Lames dhe Klodian Saliut dhe operacionin ‘Revanshi’ ku për të është kërkuar dënimi me 10 vite burg me gjykim të shkurtuar për sigurim kushtesh për të kryer vrasje e grup kriminal.
