Kanë dalë detaje të reja nga ngjarja e rëndë që ndodhi mbrëmjen e së shtunës kur një 35-vjeçar italian i identifikuar si Angelo Esposito vodhi një makinë Audi Q5 në aksin dytësor Durrës – Tiranë dhe tentoi të humbë gjurmët.
Pronari i Audi-t sapo kishte dalë nga makina dhe e kishte lënë të ndezur. Shtetasi italian ka hipur në makinë dhe është larguar menjëherë. Ai ka përshkuar zonën e Astirit, ndërsa policia i është vënë në ndjekje.
Gjatë ndjekjes, italiani ka kryer manovra të rrezikshme dhe është përplasur me disa makina deri sa në fund u arrestua nga policia. Ai madje goditi edhe një efektiv policie duke i shkaktuar lëndime në dorë.
Para hetuesve italiani ka refuzuar të bashkëpunojë. Ai nuk ka pranuar të japë as gjeneralitetet e emrit të tij ndërsa dhe me vete nuk i është gjetur asnjë dokument.
Mediat raportojnë se policia është lidhur me ambasadën italiane në Tiranë për të marrë më tepër informacione për aktivitetin e tij në Shqipëri. Deri në këtë fazë mbetet i paqartë shkaku dhe koha e hyrjes së tij brenda vendit tonë. /LAPSI.al
