Një aksident i rëndë ka ndodhur sot në Kurbnesh të Mirditës.
Sipas të dhënave paraprake, një automjet ka dalë nga rruga dhe ka përfunduar në një greminë të thellë.
Për shkak të dëmtimeve të rënda nga goditja, një nga personat që udhëtonte në mjet ka ndërruar jetë në vendngjarje.
Nga aksidenti kanë mbetur të plagosur edhe dy persona të tjerë, të cilët janë nxjerrë nga mjeti dhe janë transportuar me urgjencë drejt spitalit për të marrë trajtimin e nevojshëm mjekësor.
Ndërkohë, po kryhen veprimet procedurale për zbardhjen e plotë të rrethanave dhe shkaqeve të daljes së automjetit nga rruga.
"Në aksin rrugor Lurë–Rrëshen, në fshatin Kurbnesh, Mirditë, automjeti që drejtohej nga shtetasi A. K., rreth 20 vjeç, ka dalë nga rruga.
Si pasojë, shtetasi C. N., rreth 20 vjeç, pasagjer në automjet, ka ndërruar jetë. Ndërkohë, drejtuesi i automjetit, shtetasi A. K., 20 vjeç, dhe pasagjeri tjetër, i mitur, rreth 15 vjeç, janë transportuar me helikopter drejt Spitalit të Traumës në Tiranë.
Grupi hetimor ndodhet në vendngjarje dhe, nën drejtimin e Prokurorisë, po kryen veprimet procedurale për dokumentimin e plotë të rrethanave dhe shkaqeve të aksidentit" - thuhet në njoftimin e policisë. /LAPSI.al
