Ka shpërthyer polemika në Spanjë mes Real Madrid dhe presidentit të La Ligës spanjolle, Javier Tebas, pas ankesave të Los Blancos për arbitrimin në derbin e humbur ndaj Atlético Madrid gjatë fundjavës. “Pretendimi se arbitrat e kanë me Real Madrid do të thotë të jetosh në një galaktikë tjetër. Kjo narrativë shërben si alibi për të maskuar mangësi të tjera, të dukshme me sy të lirë që në këto ndeshjet e para të sezonit. Është më e lehtë të supozosh një komplot sesa të shpjegosh se çfarë ndodh në fushë”, janë fjalët e Tebas, të cilat morën jehonë të gjerë në mediat spanjolle.
Përgjigjja e Real Madrid nuk vonoi. Klubi publikoi një komunikatë zyrtare, në të cilën, duke iu referuar Tebas, flet për një “obsesion” të tij ndaj klubit dhe i cilëson deklaratat e tij të fundit si “të rënda dhe të pakuptueshme, të padenja për një drejtues përgjegjës”. “Ne besojmë se kompeticioni ka nevojë urgjente për një lider të aftë për ta menaxhuar dhe për t’i shfrytëzuar plotësisht potencialin e tij, duke respektuar njëkohësisht detyrimin themelor për neutralitet”, thuhet në komunikatën e Real Madridit, i cili thekson se qëndrimi i Tebas “dëmton imazhin e futbollit spanjoll”.
¿Como es posible que el árbitro no vea esto si estaba a dos metros? Pita la falta porque Valverde se levanta como un loco.. pic.twitter.com/FMVmhttPrT https://t.co/0b6qcSITba
— (fan) Yihi (@YihiRM) September 20, 2026
