Kryeministri, Edi Rama, priti në ambientet e Kryeministrisë Zëvendëskryeministrin e Rajonit të Kurdistanit të Irakut, Qubad Talabani, i cili ndodhet në Shqipëri në kuadër të vizitës së tij të parë zyrtare në vend.
Nuk jepen më shumë detaje rreth temave të diskutuara, por raportet e Shqipërisë me këtë rajon janë pothuajse të papërfillshme.
Takimi vjen një ditë para nisjes së Ramës në Ankara ku pritet të marrë pjesë në samitin e NATO-s.
Mbetet për t'u parë nëse do të ketë apo jo një takim me presidentin turk, Erdogan. Kohët e fundit ka shumë aludime për një ftohje të marrëdhënies së kryeministrit të Shqipërisë me presidentin turk.
Sidomos kjo pas vizitës që Rama bëri në Izrael dhe fjalimit që mbajti në Parlamentin e atij vendi.
