Vatra e zjarrit e regjistruar në zonën e Ulzës në bashkinë Mat, po përhapet me shpejtësi i avorizuar nga era. Sipas informacioneve paraprake, zjarri po përhapet në drejtim të luginës së Shkopetit, në fshatin Madhesh.
Deri më tani situata paraqitet kritike, pasi ndërhyrja nga toka e ka të vështirë izolimin e vatrës së zjarrit dhe shuarjen e plotë të flakëve. Zjarri ka shkaktuar dëme në banesa dhe stane, ndërsa dyshohet se nga flakët mund të jenë prekur edhe kafshët.
Forcat e Armatosura së bashku më forcat të administratës së Bashkisë Mat janë angazhuar në terren për të vënë nën kontroll situatën. Sakaq, ndërhyrja nga ajri shihet si e vetmja mënyrë e cila mund të ndihmojë në izolimin e vatrës dhe shmangien e përhapjes së mëtejshme të flakëve.
