Një aksident rrugor ka ndodhur në qytetin e Sarandës, rreth orës 06:00, në hyrje të rrugës “Onhezmi”. Një automjet ka humbur kontrollin dhe është përplasur fillimisht me kazanët e mbeturinave që ndodheshin anës rrugës dhe më pas me dy pemë. Nuk raportohet për persona të lënduar si pasojë e aksidentit, por dëmet materiale janë të konsiderueshme.
Policia ka shkuar në vendngjarje dhe po heton më shumë mbi rastin, ndërsa punonjësit e shërbimeve kanë prerë dhe larguar dy pemët e dëmtuara nga përplasja. Kjo me qëllim për të shmangur rrezikun për kalimtarët dhe automjetet e tjera.
