Pak pas orës 19:00 të së dielës pasdite, një 43-vjeçar grek, i dënuar me burgim të përjetshëm në burgun e Domokos për vrasjen e një biznesmeni në Zakynthos në maj 2021, po qëndronte me rojën kryesore dhe një të dënuar tjetër bullgar. Ata ndodheshin në një zonë të burgut, nga të paktat që nuk ka kamera mbikëqyrjeje.
Sipas raportimeve fillestare, 43-vjeçari grek kishte me vete një pistoletë që nuk dihet se si hyri në burg. Ai iu drejtua oficerit të burgut me qëllim që ta qëllonte. Ishte i dënuari bullgar (i akuzuar si vrasës me pagesë në eliminimin e biznesmenit greko-australian Yannis Makris para shtëpisë së tij në Voula në tetor 2018) që e çarmatosi 43-vjeçarin dhe e qëlloi.
Viktima ishte qëlluar dy herë në kokë gjë që i shkaktoi vdekjen e menjëhershme. “Protothema” shkruan se pyetja që mbetet është se pse ata të tre po qëndronin në një zonë që është "e verbër" ndaj kamerave? Revolveri COLT, i cili përmbante tre fishekë do të dërgohet në laboratorët e mjekësisë ligjore.
Sipas raporteve fillestare edhe i dënuari shqiptar Alket Rizaj ishte gjithashtu i pranishëm në momentin e ngjarjes. Megjithatë, hetuesit thonë se nuk e kanë të qartë rolin e tij. Rizai u bë i famshëm për arratisjet e tij nga burgjet greke.
Shefi i rojeve kishte aprovuar pak muaj më parë që një i dënuar shqiptar (i burgosur për një sërë krimesh të rënda) të mund të merrte leje nga burgu i Domokos. Kur i burgosuri mori leje, ai nuk u kthye më kurrë dhe që atëherë ka qenë në arrati. Mësohet se shefi i rojeve kishte lidhje me të dënuarin shqiptar, pasi ai është burri i motrës së tij. ©LAPSI.al
