Kryeministrja italiane Giorgia Meloni, pritet që të zhvillojë një vizitë në Uashington për të diskutuar tarifat doganore të presidentit Donald Trump, të cilat prekin edhe BE-në. Vizita e saj pritet që të mbahet para se JD Vance të shkojë në Romë. Hendeku mes qeverisë italiane dhe asaj të Parisit vazhdon të thellohet.
Pas vendosjes së tarifave të Trump BE-ja dhe Itali po përballen me një betejë narrativash. Mediat italiane shkruajnë se nëse Meloni thotë se është kundër tarifave duke kujtuar rreziqet që ka shprehur BQE-ja në Bruksel, Tajani thotë se duhet të pergjigjemi ndryshe.
Ndërsa Komisioni vazhdon të luajë lojën e tij, në të cilën po i ofron gjithashtu Shtëpisë së Bardhë eliminimin e të gjitha detyrimeve evropiane për produktet industriale amerikane. Në këto rrethana, shtetet anëtare janë gjithashtu të ndarë në projektin e investimeve të mbrojtjes. Pak ditë më parë ishte vetëm ambasadori francez që kundërshtoi që fondet e instrumentit të sigurt (150 miliardë) të shkojnë edhe në Britaninë e Madhe.
"Dhe vjen edhe goditja përfundimtare, francezët, përveç argumenteve parimore, kombinojnë thjesht komoditetin tregtar, duke kërkuar që së pari Londra të nënshkruajë marrëveshjet për peshkimin në Ishujt e Kanalit Anglez.
Në fund, duket se kuptohet se një nga problemet, siç tha ministri ynë Guido Crosetto disa ditë më parë, është se nga njëra anë kemi një person që mund të nënshkruajë 100 dekrete ekzekutive në një ditë, dhe nga ana tjetër kemi dhjetëra aktorë që kontribuojnë në marrjen e një vendimi," shkruajnë mediat italiane.
