12 persona janë përfshirë në një konflikt me sende të forta, në fshatin Gjashtë të Sarandës. Konflikti i nisur për shkak të një borxhi, ka degjeneruar në dhunë me armë zjarri dhe sende të forta. Në ngjarje janë përfshirë edhe katër efektivë policie, një ish-punonjës policie dhe dy persona janë dëmtuar.
Në vendin e ngjarjes janë gjetur gëzhoja pistolete dhe dy automjete të dëmtuara. Policia ka ndërhyrë menjëherë, por personat e përfshirë janë larguar. Deri më tani, janë dorëzuar vullnetarisht në komisariat: efektivi i policisë Himarë Alvaro Sulejmani dhe Beqir Cocka, ndërsa është paraqitur edhe Mihal Sulejmani.
