Një aksident i rëndë ka ndodhur mbrëmjen e këtij 1 janari në aksin nacional Korçë - Bilisht në afërsi të fshatit Zëmblak. Mediat raportojnë se sipas informacioneve paraprake nga policia, dy mjete janë përplasur kokë më kokë me njëri - tjetrin.
Si pasojë e përplasjes ka humbur jetën një 24-vjeçare greke. I plagosur ka mbetur edhe drejtuesi i makinës tjetër, një 26-vjeçar. Ai është është dërguar drejt spitalit të Korçës ku ndodhet jashtë rrezikut për jetën.
Sipas të njëjtave burime thuhet se në aksident është përfshirë nje mjet me targa greke që udhetonte ne drejtim te Bilishtit me nje mjet tjetër që udhëtonte në drejtim të Korçës. Ende nuk dihen rrethanat e plota se si ka ndodhur ngjarja, por policia ndodhet në vendngjarje. ©LAPSI.al
