Përleshja me Bowen
Momente të mëdha tensioni u krijuan në përfundim të ndeshjes së Premier League të hënën mbrëma, kur Lemina filloi një përleshje të vërtetë me kundërshtarët. Ai e sulmoi Bowen dhe e rrëzoi në tokë, duke detyruar shokët e tij të skuadrës të ndërhyjnë për ta qetësuar. Ata tentuan ta largonin nga kundërshtarët për të shmangur përshkallëzimin e mëtejshëm të situatës, duke hasur vështirësi për ta ndalur. Të dy skuadrat u mblodhën në mes të fushës në përpjekje për të mbajtur nën kontroll ish-lojtarin e Juventus, i cili dukej i tërbuar.Në fund, Lemina pati edhe një përballje të ashpër me Shaun Derry, ndihmëstrajnerin e West Ham, por fatmirësisht nuk pati kontakt fizik mes tyre. Vetëm pas disa minutash situata u qetësua, dhe Bowen foli para kamerave për të sqaruar ngjarjen, duke e akuzuar Leminan për mungesë sportiviteti: “Shkova t’i shtrëngoja dorën pas ndeshjes. Nuk pranoi, siç bëjnë dy kapitenë për t’i thënë ‘shumë mirë’ pas ndeshjes. E kuptoj që është e vështirë kur humbet. Edhe unë e kam përjetuar atë situatë.” Sipas Bowen, gjithçka nisi nga Lemina, i cili, i zhgënjyer nga humbja e ekipit të tij, shpërtheu ndaj kundërshtarit.Mario Lemina had a pop a Bowen and gets booked. Sore loser #whufc pic.twitter.com/RvVwQ4D4MT
— Jack Hobbs (@JH_Journalism) December 9, 2024