Pavarësisht mohimit nga vetë mjeku, polemikat pas fjalëve të thëna nga Ivo Pulcini, aktualisht përgjegjës i sektorit shëndetësor të Lazio, vazhdon të rritet. "Në vitin 2019 vizitova një lojtar shumë të rëndësishëm, i cili tani po bën emër dhe luan në Serie A, por nuk e konsiderova të përshtatshëm për të luajtur futboll", ishin fjalët e tij të martën për gazetën Il Messaggero: deklarata që çuan Prokurorinë të hapte një dosje hetimi. Po ashtu, gjatë orëve të fundit kanë qarkulluar edhe disa emra lidhur me futbollistin e mundshëm që mund të jetë i përfshirë.
Në ditët në vijim, Pulcini do të dëgjohet nga prokurori Chiné. Edhe në gazetën romake, profesori ka shtuar versionin e tij fillestar me qëllim që të sqarojë situatën. "Unë e konsiderova të papërshtatshëm në vitin 2019, por kjo nuk do të thotë që ndoshta gjatë këtyre pesë viteve ai nuk është kuruar dhe tani mund të luajë pa problem në kampionat", ishin sqarimet e tij. Pikërisht mbi këtë aspekt do të fokusohet përgatitja e Pulcinit, i cili gjatë orëve të fundit ka marrë një vëmendje të madhe mediatike.
Lexo më tej: Denoncimi tronditës i mjekut: "Te Lazio një lojtar nuk duhet të luante. E donte Tare"
Një variant i ndryshuar i mjekut lacial Pulcini, që kishte aluduar madje se në atë kohë Drejtori Sportiv Igli Tare kishte anashkaluar rregulloren, sepse donte që lojtari të luante për Lacion: “Lojtari u ekzaminua tre herë në klinika të ndryshme, pasi ish-drejtori sportiv Tare e dëshironte me çdo kusht, por vendimi “jo” mbeti i palëkundur”. Tani, mjeku ndryshon variant, por i takon prokurorit Chiné të hedhë dritë mbi çështjen.
