Saga e konfliktit mes Kylian Mbappé dhe Paris Saint-Germain po pasurohet dita-ditës me detaje të reja, konfirmime dhe përgënjeshtrime, që tregojnë një luftë të vërtetë të brendshme në klubin francez gjatë muajve të fundit të qëndrimit të sulmuesit përpara kalimit zyrtar te Real Madrid. Sipas thashethemeve të fundit, këmbëngulja e Mbappé për të vazhduar betejën ligjore deri në fund është e lidhur edhe me faktin se klubi ka trajtuar keq të vëllanë e tij më të vogël, Ethan, duke e lënë në lot në dhomat e zhveshjes së PSG-së.
Sipas të dhënave të fundit, një episod që ka ndodhur në majin e kaluar, gjatë ndeshjes së fundit të Ligue 1 kundër Toulouse, duket të jetë kulmi. Presidenti i PSG-së, Al-Khelaifi, kishte urdhëruar trajnerin e skuadrës, Luis Enrique, të mos e ftonte më Ethan Mbappé-n, vëllanë e Kylian. Mbappé, tani lojtar i Real Madridit, e pa të vëllanë duke qarë në dhomat e zhveshjes përballë kësaj vendimi, një hakmarrje e qartë nga klubi ndaj konfliktit ekzistues mes yllit francez dhe klubit. Ky ishte elementi shtesë – dhe vendimtar – që çoi në një përplasje tjetër të tensionuar mes Mbappé dhe Al-Khelaifit dhe në betimin e Mbappé për ta çuar PSG-në në gjykatë.
Lufta e gjatë mes Mbappé dhe PSG-së: çfarë ndodhi
Marrëdhënia mes presidentit dhe yllit francez filloi të pësonte krisje që në verën e vitit 2023, kur Mbappé dërgoi një letër për PSG-në duke e informuar klubin se nuk do të aktivizonte klauzolën që i lejonte të zgjaste kontratën e tij përtej qershorit të 2024-ës. Një lëvizje që vuri PSG-në në vështirësi, pasi ata duhej ta shisnin lojtarin menjëherë ose të pranonin humbjen e tij pa përfitime financiare në verën e ardhshme. Nga ai moment, situata u përkeqësua progresivisht: Mbappé u përjashtua nga turneu përgatitor në Japoni për sezonin 2023-24 dhe pasoi një “luftë e ftohtë” deri në shkurt të vitit 2024, kur pati një takim me Al-Khelaifin, i cili i premtoi se do të bënte gjithçka për ta penguar atë të firmoste me Real Madridin. Mbappé iu përgjigj me një buzëqeshje ironike, duke refuzuar më pas çdo përballje të mëtejshme me drejtuesit e klubit.
Lexo më tej: Mbappé fiton gjyqin, PSG refuzon t’i paguajë 55 milionë euro
Beteja ligjore, PSG dënohet të paguajë 55 milionë euro
Si pasojë, u kërkua nga Luis Enrique që ta përjashtonte lojtarin nga pjesa e fundit e kampionatit, pa i paguar bonuset dhe pagat pas zyrtarizimit të transferimit te Madridi. Aktualisht, Mbappé po kërkon një dëmshpërblim të madh prej 55 milionë euro dhe, në fazën e parë, PSG-ja është dënuar që t’ia paguajë këto shuma, duke refuzuar natyrisht dhe duke qenë gati ta çojë çështjen në drejtësinë e zakonshme.
