“Përdorimi i fjalëve ‘mungesë respekti’ kur nuk ke fituar zgjedhjet ka një shije pak ‘trumpian’, dhe për fat të keq është i pasjellshëm ndaj të tjerëve. Kjo është ana negative.” Ky është komenti i Mats Hummels për vendimin e Real Madrid për të mos marrë pjesë në ceremoninë e ndarjes së Topit të Artë. Një qëndrim që nuk i ka pëlqyer aspak mbrojtësit të Romës, i cili ishte i pranishëm në Paris me rastin e fitores së mesfushorit Rodri.
Lojtari gjerman ndau vendin e njëzet e nëntë me shokun e tij të skuadrës, Artem Dovbyk, një pozicionim që e shtyu të lëshonte disa “thumbime” ndaj “Los Blancos.” “Vendi i fundit në Topin e Artë është vendi më i mirë i fundit në botë”, ironizoi Hummels në podkastin e tij, siç raportoi Der Spiegel. “Nuk ka dyshim se dikush nga Real Madrid e meriton. Por ka lojtarë të tjerë të jashtëzakonshëm që janë shumë të mirë. Është për të ardhur keq që nuk u nderuan. Ka ekipe që janë dëmtuar më shumë në futbollin ndërkombëtar, më lini ta them këtë”.
Lexo më tej: Ndikoi UEFA, luftë totale Real Madrid-France Football: "Kurrë më në Topin e Artë"
Ish-lojtari i Borussia Dortmund gjithashtu komentoi debutimin e tij me fanellën e Romës, shoqëruar me një autogol në humbjen kundër Fiorentinës 5-1. Një episod i pakëndshëm, por që nuk duket se e ka demoralizuar Hummels: “Është një lloj qershie mbi tortën e gjërave që nuk shkuan mirë. Gjërat mund vetëm të përmirësohen. Nuk e di çfarë tjetër mund të pres – tregoi gjermani –. I thashë vetes: cila është mënyra më e mirë për të nisur karrierën në një klub kaq të rëndësishëm? Një autogol pas katër minutash kur je në disavantazh 4-1 është vërtet i keq. Është përsëri aq ironike saqë mund ta marr vetëm me humor.”
