“As që e mendojmë vendin e parë. Siç e shihni jam me mëngë të gjata. Kur të dalim përsëri me mëngë të shkurtra, atëherë mbase do të flasim për pjesën e kampionit". Alexander Veselinovic, tekniku i Partizanit, ul presionin e skuadrës, pas fitores në Korçë me Skënderbeun, që sinjalizon shkëputjen e parë të të kuqve në renditje.
Tekniku serb, që fitoi "derbin" me Gvozdenovic, analizoi situatën me dëmtimet, që kanë ndikuar jo pak deri tani: "Sot nisëm ndeshjen pa 6 titullarë fiks në formacion, Bytyçi dhe Rrapaj ishin me kartonë, Hadroj ka dëmtim dhe këto janë lojtarë shumë të rëndësishëm për ne. Me këtë ritëm ndeshjesh, normalisht ka ngarkesë dhe Zeka nuk është në formën më të mirë shëndetësore. Po ashtu Mehmeti kishte një problem shëndetësor dhe ka humbur pothuajse katër kilogram. Cara gjithashtu është ndjerë shumë i lodhur dhe kjo ka qenë arsyeja e ndërrimeve.
Veselinovic pastaj bëri elozhe për lojtarët dhe sqaroi vështirësitë me të cilat po përballet skuadra: "Janë djem fantastikë, jam shumë i lumtur për ata dhe ma kthejnë në mënyrën më të mirë të mundshme. Nëse merren parasysh të gjitha si pjesa e udhëtimit pas Shkodrës dhe koha e shkurtër për të përgatitur ndeshja, duhet të kuptoni se sa e vështirë ishte të përgatitet ndeshja. Në punën tonë vjen me raste ndonjë periudhë kur nuk kemi kohë as për të fjetur dhe duhet të vjedhësh ndonjë orë gjumi”, tha Veselinovic pas ndeshjes.
GVOZDENOVIC: "PATJETËR QË JAM I MËRZITUR"
“Patjetër që jam i mërzitur, jo vetëm për mungesat se kjo ishte situate përpara dhe nuk mund të qahemi. Mund të kapnim një rezultat më të mirë. Nga momenti kur Partizani shënoi gol, patëm rast me Rashicën dhe Tajon. Dua të uroj Partizanin për fitoren". Ivan Govzdenovic është kthyer të shijojë një rezultat të hidhur, i mundur 0-2 nga Partizani. Tekniku serb e kupton se situata bëhet delikate, vetëm një pikë mbi zonën e rënies nga kategoria.
Lexo më tej: Video/ Bintsouka, dy gola në Korçë për vendin e parë: prova arratie nga Partizani
"Pa katër ose pesë titullarë me Partizanin është e vështirë. Kam besim dhe te lojtarët e pankinës që sot bënë mirë. Me titullarët në fushë e sigurt që do tia bënim më të vështirë sot Partizanit. Sot çunat bënë mirë, jemi të mërzitur vetëm nga rezultati. Me pak fat mund të shënonim një gol dhe të kapnim barazim. Të mërzitur jemi po do vazhdojmë".
