Muaji i fundit tetor për Juventus nuk ka qenë aspak ndër më të mirët. Krahasuar me fillimin e sezonit, skuadra e Thiago Motta ka pësuar dhe ka mbledhur më pak se sa pritej. Shkak për këtë janë mungesa e rëndësishme e Bremer në mbrojtje dhe dëmtimet e njëkohshme të Koopmeiners dhe Nico Gonzalez, që në mbrëmjen e ndeshjes në Leipzig i hoqën trajnerit tre shtylla kryesore nga skema e tij taktike. Statistikat, po të shohim, janë përkeqësuar në tre ditët e fundit, veçanërisht për shkak të golave të pësuar.
Rezultati 4-4 me Inter dhe barazimi 2-2 me Parma kanë ndikuar disi në statistikat e Juventus-it, duke e afruar Thiago Motta-n më shumë me Massimiliano Allegri-n. Krahasimi me trajnerin nga Livorno është i pashmangshëm, pasi vitin e kaluar Juventusi i Max-it, pas dhjetë javësh në kampionat, kishte 23 pikë me 17 gola të shënuar dhe 6 të pësuar, ndërsa tani, me ish-trajnerin e Bolonjës, janë 18 pikë me 17 gola të shënuar dhe 7 të pësuar. Diferenca prej -5 pikësh për Motta-n në krahasim me një vit më parë është e ndjeshme, megjithëse ka faktorë të ndryshëm që duhen marrë parasysh përpara se të krahasohen këta dy trajnerë.
Thiago Motta gjatë ndeshjes së Juventus kundër Parma.
Ky është padyshim viti i parë i Thiago Motta-s te Juventus-i, një stacion i rëndësishëm dhe me një skuadër krejtësisht të re për të nisur një cikël të ri. Në fakt, vetëm këtë vit Juventusi ka arritur të bëjë një merkato me projeksion të ardhshëm, në krahasim me sezonet e fundit që u karakterizuan nga çështje jashtë futbollit, ndërsa gjysma e ekipit u ndryshua tërësisht. Për më tepër, fillimi i këtij sezoni, krahasuar me të kaluarin, është ndikuar edhe nga kalendari. Allegri në sezonin 2023/2024 nuk kishte angazhime në kompeticionet europiane, të cilat kanë qenë të rëndësishme këtë fillim sezoni për Motta.
Lexo më tej:Juventus në alarm, 6 lojtarë të dëmtuar: Thiago Motta në ankth për përgjigjet e kontrolleve
Përballjet direkte me skuadrat kandidate për titullin
Në 10 javët e para të kampionatit, Thiago Motta ka përballuar radhazi Romën, Napolin, Lazion dhe Interin. Praktikisht, ka pasur dy përballje për titullin nga katër të tilla. Ndërsa për Allegrin, përballja e parë e vërtetë direkte ishte vetëm në javën e nëntë kundër Milanit, nëse nuk llogarisim Lazion dhe Atalantën, të cilat i përballi në javën e katërt dhe të shtatë. Pra, janë shumë faktorë që duhen marrë parasysh dhe diferenca prej -5 pikësh e Motta-s krahasuar me Allegrin në këtë pikë të sezonit është një fakt, por jo diçka që duhet të ndezë krahasimin mes dy trajnerëve që janë shumë të ndryshëm nga njëri-tjetri.
