Ish-mbrojtësi shënon 5 gola në debutim: Manolas te Pannaxiakos luan si sulmues

Kostas Manolas e nis në mënyrën më të mirë aventurën e tij të re në Greqi. Ish-mbrojtësi i Romës, Napolit, Olympiacosit dhe Salernitanës shënoi plot 5 gola brenda vetëm 34 minutave në debutimin e tij me fanellën e Pannaxiakosit, klubi futbollistik i ishullit të Naksos. Kundër Marpissaikos, paraqitja e Manolasit ishte tërësisht spektakolare. Ajo që ishte më befasuese është se mbrojtësi grek luajti si sulmues, një qendërsulmues i vërtetë. Një rol i ri në klubin e kategorisë së tretë greke, ku ai filloi të luante mes viteve 2003 dhe 2007, përpara se të shpërthente në futbollin e madh. Në një fushë sintetike dhe kundër një kundërshtari modest, Manolas tregoi qartë diferencën e madhe që ekzistonte mes tij dhe lojtarëve të tjerë të të dyja skuadrave. Ndeshja, e vlefshme për javën e tretë të kampionatit lokal të Cikladave, përfundoi me rezultatin e thellë 12-1. Pjesa e parë përfundoi 9-0 përpara se kundërshtarët, të cilët janë të fundit në renditje, të shënonin golin e tyre të nderit, ndërsa Pannaxiakos është i pari në klasifikim. Manolas u zëvendësua më pas mes duartrokitjeve të publikut të pranishëm.

JETA E RE SI SULMUES E MANOLAS

Dhe të mendosh që Manolas, deri para disa muajsh, do të ishte vlerësuar edhe nga Roma për një rikthim të bujshëm në ekipin e Daniele De Rossit, ish-shokut të tij të skuadrës, i cili më vonë u shkarkua. Pasi kjo mundësi dështoi, lojtari vendosi të kthehej në atdhe për të provuar të gjente motivimet e duhura në skuadrën që e kishte lançuar në futbollin e madh. Dhe të mendosh që kthimi i tij në Itali te Roma dhe Napoli kishte ndodhur. Në fakt, sezonin e kaluar Salernitana e Walter Sabatinit vendosi të mbështetej te greku për të forcuar mbrojtjen e saj me shpresën për të shpëtuar Serie A. Por, ende pa zbritur në fushë pas mbërritjes së tij, Salernitana dukej tashmë thuajse e dënuar dhe rënia nga kategoria ndodhi disa javë para përfundimit të kampionatit. Një eksperiencë sigurisht jo e paharrueshme në një skuadër që kishte gjithashtu në përbërje edhe Federico Fazio, ish-shokun e tij të repartit te ajo Romë e disa viteve më parë. Sot, kthimi në Greqi në rolin e sulmuesit hap një kapitull të ri në karrierën e tij. Në fakt, kjo është një fazë ngërçi në rrugëtimin e tij në botën e futbollit.

Manolas’ First 5 Goals Back At His Boyhood club! pic.twitter.com/Y18wEzlGZE

— ?? (@Endri7i) October 20, 2024