Elbasani dhe Partizani kanë barazuar 1-1 në ndeshjen që mbylli fazën e parë të Kategorisë Superiore në “Elbasan Arena”. Ky rezultat është shoqëruar me polemika, pasi tifozët vendas protestuan për disa vendime të gjyqtarit Lata.
Ndeshja u zhvillua në një atmosferë të nxehtë për shkak të numrit të madh të tifozëve në tribuna. Të dy skuadrat nisën ndeshjen në sulm dhe arritën të shënonin në pjesën e parë. Partizanit iu anulua një gol në fund të këtij fraksioni, ndërsa pjesa e dytë u karakterizua nga gabime të shumta të të dyja palëve.
Në fundin e ndeshjes, situata u tensionua kur Elbasanit iu anulua një gol dhe kishte pretendime për një penallti të mundshme. Ndeshja përfundoi me tension në tribuna dhe në fushë, ndërsa vërshëllima e gjyqtarit Lata vulosi barazimin 1-1, që nuk ndryshoi pozitat e dy ekipeve në renditje.
[video width="638" height="360" mp4="https://cdnimpuls.com/lapsi.al/wp-content/uploads/2024/10/671520b052878.mp4"][/video]
Partizani mbetet në krye të tabelës me 16 pikë pas javës së 9-të, ndërsa Elbasani ndodhet në vendin e katërt me 14 pikë. Të dy skuadrat shënuan gola në pjesën e parë, ku fillimisht Agim Zeka kaloi Partizanin në avantazh pas një aksioni të gjatë, ndërsa Ze Gomesh barazoi për Elbasanin në minutën e 35-të me një gol me kokë, duke mposhtur portierin Qirko.
Lexo më tej: Video/ Triumf i Skënderbeut, Bylis ndalet te traversa: Rashica zbret Deden të fundit
Elbasani ka pësuar vetëm një humbje në këtë fazë, atë kundër Dinamos, ndërsa ka marrë rezultate pozitive në 7 ndeshjet e fundit. Ky barazim e ruan Elbasanin në garë për kreun e klasifikimit, ndërsa Partizani mbetet lider i sigurt.
[video width="638" height="360" mp4="https://cdnimpuls.com/lapsi.al/wp-content/uploads/2024/10/671523a6cec8f-1.mp4"][/video]
