Video/ James i pamëshirshëm, i pret dy penallti një fëmije: Anfield e fishkëlleu

Emri i David James është shumë i njohur në futbollin anglez. Pseudonimi i tij ‘Calamity’ nuk është aq i shkëlqyer, sidomos për një portier, por e ka shoqëruar gjatë gjithë karrierës së tij, që ka qenë në nivele të larta, edhe pse ka pasur edhe gabime të mëdha. James luajti deri në moshën 40 vjeçare dhe është ende në formë të mirë, por këtë herë e fitoi vëmendjen për faktin se priti dy penallti ndaj një fëmije gjatë pushimit të ndeshjes Liverpool-Chelsea, e vlefshme për javën e 9-të të Premier League. Tifozët e tij të vjetër nuk e pritën mirë këtë veprim.

NGA LIVERPOOL NË BOTËROR: KARRIERA E ‘CALAMITY’ JAMES

Kësaj here James nuk ishte ‘Calamity’, por për një herë ndoshta do të kishte qenë më mirë po të ishte. Ai luajti deri në moshën 40-vjeçare, për shtatë sezone mbrojti portën e Liverpool-it, dhe ka veshur fanellat e shumë ekipeve të Premier League, përfshirë kombëtaren angleze, që edhe Capello e zgjodhi për Botërorin e 2010-ës. Por ai pseudonim, siç u përmend, e shoqëroi gjithmonë. Shpesh bënte pritje të mëdha, por ndonjëherë edhe gabime të mëdha.

I PRITI DY PENALLTI NJË DJALOSHI

Gjatë pushimit të ndeshjes Liverpool-Chelsea (ndeshje e fituar 2-1 nga Reds), James ishte protagonist i madh. Por protagonist në mënyrë negative, jo si më parë. Sepse portieri priti dy penallti, por i priti ndaj një fëmije dhe këto pritje u pasuan me shumë fishkëllima nga ‘Kop’. Iniciativa ishte për bamirësi. Disa fanella do të nxirreshin në ankand. Një fëmijë u zgjodh për të provuar të shënonte nga penalltia. Në një video të postuar online duket finalizimi i penalltisë, që, për të qenë të sinqertë, nuk ishte dhe aq i keq. James e trajtoi atë fëmijë sikur të ishte një nga kundërshtarët e kohës së tij, sikur të ishte Bergkamp ose van Nistelrooy, dhe e priti penalltinë duke u hedhur në të djathtë. Qartë dukej zhgënjimi i atij futbollisti të ri. Fishkëllimat për James vinin në mënyrë të vazhdueshme nga shkallët e stadiumit. Ai vendosi t’i rikthente topin djalit, rreth dhjetë vjeçar. I riu provoi sërish, por James i mohoi edhe një herë kënaqësinë e golit. Një tjetër pritje. E pabesueshme. Serioz, shumë serioz James, por edhe ‘pa zemër’ duke i mohuar një kënaqësi këtij fëmije, i cili gjithsesi u duartrokit me dashuri nga i gjithë stadiumi.

So, half-time standard Chartered penalty shootout at @LFC, the young lad has a chance to retake his penalty.....

Today's signed match shirts and last week's @LiverpoolFCW signed match shirts are live to bid for https://t.co/KlCMW0uQjS#futuremakers pic.twitter.com/pnLhPy3Qrg

— David James (@jamosfoundation) October 20, 2024