“Mirë se vjen te Juventusi, Arda Güler!” thuhet në profilin X në anglisht të klubit bardhezi. Një lajm që përhapet menjëherë nëpër bisedat e tifozëve në mbarë Italinë, por nuk është aspak i vërtetë. Supozimi se lojtari i Real Madrid ka ardhur në Torino është në fakt një lajm i rremë, i krijuar nga disa hakerë që kanë sulmuar faqen sociale të ekipit piemontes. Fotografia e Arda Güler nuk nënkupton asnjë ardhje të sulmuesit të ri në Itali, e as urimet e klubit që flasin për një “histori për t’u shkruar së bashku.”
Gjithçka është e rreme, siç u sqarua nga ekipi bardhezi, i cili me një tweet konfirmoi problemet me profilin në anglisht: “Llogaria jonë në anglisht është hakuar. Ju lutemi injoroni informacionet e rreme të publikuara në juventusfcen. Po punojmë për të zgjidhur problemin.”
