Vllaznia ngrihet në këmbë atëherë kur duhet dhe fshin në një mbrëmje të vetme luhatjet e tre javëve të mëparshme të kampionatit. Skuadra e Thomas Brdaric thyen 3-1 Egnatian në Loro Boriçi, duke i shkaktuar humbjen e parë në këtë kampionat kampionëve në fuqi. Mala, Qato e Balaj bënë të pavlefshëm barazimin e përkohshëm të Ujkës, ndërsa Tetova arrihet në vendin e parë nga kuqeblutë me 7 pikë.
[video width="694" height="360" mp4="https://cdnimpuls.com/lapsi.al/wp-content/uploads/2024/09/66e1d0f6d8eb2.mp4"][/video]
Brdaric kërkoi që në fillim nga skuadra e tij të krijonte dominimin në mesfushë dhe të merrte kontrollin e lojës. U krijua ideja se kuqeblutë tentonin të zgjidhnin sa më shpejt ndeshjen, duke e vënë Egnatian nën presion. E në fakt, Mala zhbllokoi ndeshjen në minutën e 16', por ishte një gol që i dha një shkundje lojtarëve të Tetovës. Reagimi i miqve nga Rrogozhina erdhi pas 12 minutash, me Ujkën që barazoi rezultatin.
[video width="694" height="360" mp4="https://cdnimpuls.com/lapsi.al/wp-content/uploads/2024/09/66e1d3b747d37.mp4"][/video]
Një iluzion për Tetovën dhe të tijtë, sepse përpara se skuadrat të shkonin në pushim në dhomat e zhveshjes Klinti Qato rrëmbeu skenën me një supergol të shënuar nga distanca. Një gol që 'vrau' besimin e kampionëve në fuqi për të marrë rezultat në Shkodër.
[video width="694" height="360" mp4="https://cdnimpuls.com/lapsi.al/wp-content/uploads/2024/09/66e1d65da8c97.mp4"][/video]
Lexo më tej: Video/ Tirana e përmbysi me dygolëshin e Ndrecës, Ruçi i heq fitoren në shtesë: Bylis i Egbo rrëmben pikën
Praktikisht ishte kështu, sepse sapo filloi pjesa e dytë, kapiteni Bekim Balaj bëri tris, duke vënë rezultatin në kasafortë. Një gol në minutën e 49' që e ktheu pjesën e mbetur të ndeshjes në akademi të pastër. Shkodranët ulën ritmin, duke mbajtur zotërimin e topit, për të rreziuar sa më pak. Egnatia e kishte jashtë mundësive rikuperimin e dy golave e kështu, arrihet nga Vllaznia në kuotën e 7 pikëve, po aq sa Egnatia.
[video width="694" height="360" mp4="https://cdnimpuls.com/lapsi.al/wp-content/uploads/2024/09/66e1dcbb0d691.mp4"][/video]
