Video/ Weide i humbi medaljen e artë skuadrës kineze: reagimi i shokëve është i turpshëm

Në garën ekipore të gjimnastikës artistike në Lojërat Olimpike të Parisit, Kina udhëhiqte 3.2 pikë përpara Japonisë dhe dukej e pakapshme. Por e pabesueshmja ndodhi: Su Weide humbi kontrollin në hekur tek dhe ra në mënyrë katastrofike. Gjimnasti rifilloi provën e tij, por ra përsëri. Vlerësimi ishte fatal, 11.600 në garën e tij të fundit, duke anuluar paraqitjet e shkëlqyera të shokëve të tij të skuadrës. Nga ana tjetër, Japonia nuk gaboi me pesë sportistët e saj dhe bëri një parakalim të bujshëm për medaljen e artë, duke e lënë Kinën mes keqardhjes. 24-vjeçari Su Weide u shfaq i dëshpëruar pas gabimit, por ajo që ra më shumë në sy ishte reagimi i pamëshirshëm i shokëve të skuadrës, të cilët e braktisin pa as një gjest ngushëllimi apo ndjeshmërie.

This is the moment China lost gold in the Men’s Gymnastics finals I think. I feel so so bad for Su Weide like the level that these athletes are competing and the pressure they are under is insane but Silver is still an amazing feat! #Olympics pic.twitter.com/NCuHmqOhs8

— Daily Bravo ? (@dailybravomail) July 30, 2024

TRE RRËZIME NË GARËN E FUNDIT

Më parë Su Weide kishte rënë edhe në kaluç, duke marrë një rezultat shumë të ulët edhe atje (12.766). Dy rrëzimet në provën e fundit në hekur tek, e dëshpëruan gjimnastin në Bercy Arena, duke e ditur mirë se Kina është shumë e prirur të kthehet nga Parisi me shumë medalje, kur sport shihet si flamurtar i regjimit. Me këtë lloj presioni mbi supet e tij – aq më tepër në një garë ekipore dhe jo individuale – 24-vjeçari dukej i shkatërruar. Pasi mbaroi provën, Su Weide u ul shumë larg nga shokët e tij të skuadrës dhe trajnerët.

SHOKËT NUK I HODHËN AS SYTË

Përshtypje më tepër bëri qëndrimi i anëtarëve të tjerë të skuadrës, përfshirë edhe trajnerët, të cilët e lanë vetëm, pa u përpjekur ta ngushëllojnë apo t'i thonë se fitohet apo humbet të gjithë bashkë. Historia u bë virale në mediat sociale pikërisht për këtë arsye dhe një postim në Twitter nga prezantuesja e BBC-së dhe ish-gjimnastja britanike Gabby Logan mori miliona shikime: "Gjimnasti i gjorë kinez ra dy herë nga hekuri. Shokët e tij e braktisën. Ndihet bosh, nuk arrij të mos e them".

The poor Chinese gymnast who fell twice from high bar. His team mates have deserted him. He’s bereft. I can’t bear it. He might have just lost them gold.

— Gabby Logan (@GabbyLogan) July 29, 2024

Megjithatë, Olimpiada nuk ka mbaruar për Su Weide, që do të ketë mundësinë të shpengojë veten në garat individuale në ditët në vijim.