Nada Hafez garoi, në Olimpiadë, 7 muajshe shtatzënë: zbulimin e bëri pas eliminimit

Nada Hafez mbajti gjithçka në fshehtësi derisa iu desh të braktiste Olimpiadën Paris 2024. Skermistja garoi në specialitetin e saj me shpatë, ndërsa ishte shtatë muajshe shtatzënë, duke mbajtur të vërtetën e saj fshehur deri në momentin e fundit. Tuta e maskonte disi barkun, që duket në fakt në fotot e rralla të profilit të saj në rrjetet sociale, por që në asnjë moment nuk e ka penguar të bëjë atë që i pëlqen më shumë egjiptianes. Hafez u ngjit në pedanë duke fituar ndeshjen e parë, por iu desh të valëviste flamurin e bardhë pas humbjes në 1/8 e finales. Një rrugëtim që shpatarja egjiptiane shpresonte se mund të ishte më e gjatë, por që ajo mundi ta përjetonte pavarësisht ndryshimeve që pësoi trupi dhe gjithashtu mendja e saj, e cila tani do të hapet drejt një aventure të re.

HAFEZ NË PEDANË 7 MUAJ SHTATZËNË

Sportistja ka bërë zbulimin e saj në Instagram, duke treguar foton e profilit. Pas veshjes mbrojtëse me flamurin egjiptian fshihet barku i saj, që i bëri shoqëri në këtë aventurë olimpike. Hafez zbuloi sekretin me fjalët më të ëmbla për djalin e saj të ardhshëm: "Ata që duken si dy lojtarë në pedanë, në fakt, ishin tre! Isha unë, rivalja ime dhe foshnja ime e vogël që do të vijnë në këtë botë!". Nuk ishte e lehtë për të që të vazhdonte të konkurronte pavarësisht ndryshimeve me të cilat po përballej. E megjithatë shpatarja vendosi të merrte pjesë në Lojërat Olimpike dhe të përfaqësonte vendin e saj. Rruga ishte e përpjetë dhe Hafez ka dëshur të theksojë se sa e vështirë ishte të ruante ekuilibrin e duhur, për të mos hequr dorë nga karriera e saj, por edhe nga gëzimi i shtatzënisë dhe një jete të re: “Unë dhe fëmija im duhej të përballeshim me dozën tonë të sfidave, si fizike ashtu edhe emocionale. Malet ruse të shtatzënisë janë edhe vetë të vështira, por të duhet të luftosh për të ruajtur ekuilibrin mes jetës personale dhe sportit ka qenë vërtet e lodhshme, por ia ka vlejtur".

 

View this post on Instagram

 

A post shared by Nada Hafez (@nada_hafez)