Kush do ta kishte menduar se një vit pas ardhjes së tij në Milano, Yann Bisseck do të bëhej idhulli i tifozëve zikaltër?! I blerë nga skuadra daneze Aarhus sezonin e kaluar, cilësitë e tij ishin të dukshme, por ai kurrë nuk ishte në gjendje të merrte vendin si titullar në skuadrën e teknikut Inzaghi. Megjithatë, këtë verë, falë mungesave të lojtarëve të kombëtareve, gjermani arriti të shkëlqejë. Ndaj Las Palmas, në miqësore, Bisseck ishte më i miri në fushë bashkë me Taremi.
TIFOZËT DUAN BISSECK TITULLAR
Inter mundi Las Palmas 3-0 në miqësore me një dygolësh të iranianit Taremi dhe një gol fenomenal të Di Marco. Por ajo që ra në sy ishte performanca e Bisseck. Gjermani u shfaq madhështor në mbrojtje, duke rikuperuar topa dhe duke ndërtuar aksione, me kontrollin e topit dhe një teknikë të pastër prej playmakeri. Në përgjithësi, gjermani u evidentua në të gjitha miqësoret dhe është një kandidat serioz për titullar këtë sezon.
Lexo më tej: Inter blindon mbrojtjen e të ardhmes: zikaltrit marrin gjigantin Bisseck
Pas ndeshjes kundër spanjollëve ai deklaroi: “Kam pasur gjithmonë shumë besim te vetja dhe gjithmonë dua të jap gjithçka”. Aksioni i tij me topin ndër këmbë, duke nisur nga mbrojtja është bërë viral në X, me tifozët entuziastë që e shohin tashmë si protagonist zikaltër në kampionatin që do të nisë. Me Bisseck, Simone Inzaghi ka zbuluar një talent të ri të ri në shtëpi.
