Pep Guardiola dhe Manchester City në të ardhmen e Gigio Donnarumma? Krejtësisht e mundshme. Sipas asaj që raporton sot Daily Express, trajneri i kampionëve të Anglisë në fakt e ka identifikuar portierin e PSG dhe kombëtares së Italisë si pasues të Ederson.
Braziliani është drejt një largimi të mundshëm për në Arabinë Saudite dhe Donnarumma shihet si njeriu i duhur për të mos lënë boshllëqe. Një destinacion, ai anglez, që sigurisht i pëlqen Gigio, i cili është në Paris që nga viti 2021. Portieri italian muajt e fundit ka negociuar me PSG për rinovimin e kontratës së tij, që skadon në vitin 2026.
Lexo më tej: Fajtor në dy nga tre golat, Donnarumma mbytet nga kritikat: "I pakorrigjueshëm në Champions"
Nuk ka asnjë nxitim dhe asnjë fërkim, por bisedimet mes palëve nuk kanë arritur ende një përfundim pozitiv. Interesi i Citizens dhe spanjollit Guardiola mund të ndryshojnë perspektivat në këtë pikë. Paga (rroga aktuale vjetore është rreth 12 milionë euro) dhe çmimi (jo më pak se 60 milionë) sigurisht që nuk e trembin një klub sheikësh si City.
