Adrian Newey është gati të largohet nga Red Bull! Projektuesi i makinës më të shpejtë njëvendëshe në Formula 1 prej disa sezonesh tashmë, sipas asaj që ka filtruar në shtypin anglez dhe gjerman, thuhet se është duke negociuar një lamtumirë të hershme nga ekipi kampion i botës. Shkak është çështja e skandalit që përfshiu drejtorin e ekipit Chris Horner. Kontrata mes Newey dhe Red Bull skadon në vitin 2025, por palët mund të ndahen që në fund të këtij sezoni.
Siç raportohet nga AutoMotorSport dhe BBC, Newey - i shqetësuar nga situata e krijuar brenda ekipit pas akuzave për ngacmim seksual ndaj një punonjëseje nga Horner, i cliruar nga skuadra pas një hetimi të brendshëm - ka marrë vendimin për të ndërprerë marrëdhënien e tij me Red Bull.
Lexo më tej: Akuzoi Christian Horner për ngacmim seksual, Red Bull Racing pezullon denoncuesen e Team Principal
Horner doli nga stuhia i forcuar me mbështetjen e skuadrës, por nuk mungojnë pasojat dhe një nga ata që është në dyshim është pikërisht gjeniu i projektimit, i cili është shprehur i pakënaqur me luftën për pushtet në ekip. Newey ka kërkuar hapur që të mos jetë i përfshirë plotësisht në dizajnimin e gjeneratës së re të njëvendësheve që do të shihen në vitin 2026.
Me Red Bull, Adrian Newey fitoi gjithsej 13 kampionate botërore - gjashtë për konstruktorë dhe shtatë për pilotë - me Vettel dhe Verstappen.
