Fiorentina mposht Atalantën 1-0 dhe fiton ndeshjen e parë gjysmëfinale të Kupës së Italisë. Pjesa e parë ishte e dominuar nga Viola, që me meritë zhbllokoi ndeshjen në minutën e 31' falë eurogolit të Mandragora. Një goditje me të majtën nga 25 metra, që u përplas në shtyllë e pastaj përfundoi në rrjetë pas shpinës së portierit Carnesecchi. Gasperini (në tribunë për shkak të skualifikimit) aktivizoi Scamacca në fillimin e pjesës së dytë dhe Hyjnesha u rrit në lojë dhe krijoi disa raste, por Carnesecchi mbajti gjallë skuadrën bergamaske me dy pritje (e para fantastike) ndaj Nico Gonzalez. Kthimi në Bergamo më 24 Prill.
Shkon për Fiorentinën, ndeshja e parë gjysmëfinale e Kupës së Italisë kundër Atalantës, që, me rezultatin 1-0, do të ketë hapësirën për të tentuar rikuperimin. Pas gjysmë orës së parë të studimit të madh me pak goditje dhe me lojën më të shumtë në mesfushë, erdhi perla e Mandragora. Një silurë nga 30 metra me një efekt të jashtëzakonshëm, që përfundoi në këndin në të djathtë të portierit Carnesecchi.
Lexo më tej: Video/ Chiesa e Vlahovic hakmerren me Tudor: Juventus thyen Lazion e vendos një këmbë në finale
Në pjesën e dytë, Gasperini hodhi në fushë Ederson dhe Scamacca për të gjetur golin e barazimit. E megjithatë, ishte Fiorentina ajo që iu afrua shumë pranë dyfishimit disa herë, veçanërisht me një goditje me kokë të Gonzalez, të cilën portieri bergamask e devijoi në këndore me një plastikë të shkëlqyer. Përfundoi 1-0, ndoshta rezultati më i drejtë. Gjimshiti (gjithë ndeshjen në fushë) e të tjerët mund të provojnë përmbysjen pas tre javësh.
