Lapsi Video

Aplikacioni

Android iOS
Flash

Inter, me teknikun Inzaghi deri në vitin 2027: rinovimi për tu firmosur brenda këtij sezoni

Lapsi.al 28 March 2024
Inter, me teknikun Inzaghi deri në vitin 2027: rinovimi për tu
Simone Inzaghi po shkon drejt rinovimit të tretë të përvojës së tij deri tani trevjeçare me Inter. Ky aktual, është më i rëndësishmi sepse vjen në sezonin që të çon në kampionatin e yllit të dytë. Për më tepër, klubi në vitin e fundit e ka kuptuar vërtetë rëndësinë e trajnerit të tij, ndërsa vetëm një vit më parë përmendeshin emrat e zëvendësuesve të mundshëm, para se arritja në finalen e Champions League do të ndalonte çdo spekulim për një trajner të ri për zikaltrit. Sipas Gazzetta dello Sport, drejtuesit do të thërrasin teknikun Inzaghi për të nënshkruar vazhdimin e kontratës para përfundimit të sezonit. Me pak fjalë, ekziston një dëshirë për ta blinduar atë përpara se ndonjë sirenë europiane ta tundojë (dhe ka mjaft klube të nivelit të lartë në futbollin kontinental që do të mbështeteshin me dëshirë tek ai). Kontrata aktuale skadon në vitin 2025 dhe arsyeja tjetër që e shtyn klubin drejt rinovimit është fakti se është e ndërlikuar të mendosh që trajneri ta nisë sezonin kur është në skadencë kontrate. Lexo më tej: Gafat e teknikut Simone Inzaghi: Inter, mes statistikave e zgjedhjeve, mallkimin e penalltive e kërkoi vetë Kësaj radhe synohet zgjatja edhe për dy vite të tjera, pra deri në vitin 2027. Tre sezone të tjera të plota, me pak fjalë, që tregojnë se sa besim ka klubi zikaltër te trajneri i tij. Flitet edhe për rregullim ekonomik me shifrën aktuale, 5.5 në vit, të rritur me rreth një milion.

Të këshilluara

ide

Protesta që vrau piktorin dhe prezantoi noterin e krimit

Mjaftoi një muaj marshimi i flamingove për të retushuar në shtypin botëror imazhin e politikanit artist dhe për ti mbivendosur atij portertin e njeriut që lidhi familjen e presidentit të SHBA me një trafikant kokaine

05:06 Andi Bushati

A do prodhojë protesta të njëjtat pasoja si për Vuçiçin?

Shqipëria ka shansin që të vazhdojë rrugëtimin që po e bën Serbia me lëvizjen studentore dhe ta ripërsërisë formën e pushtetit apo që të përbashkojë energjitë e të gjithëve-Qeveri, SPAK, BE, Lëvizja Flamingo-drejt një caku tjetër

09:18 Veton Surroi

MOTI TIRANA

33°c

KËMBIMI EURO

93.88

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI