Një pauzë për kombëtaret shumë e trazuar te Inter. Lojtarët e tij, disa për mirë apo për keq, i kanë bërë njerëzit të flasin për to, duke u bërë protagonistë. Nga dëmtimet e De Vrij dhe Sommer, te dështimi i Thuram, për të kaluar te çështja Acerbi e deri te Lautaro, i cili vendosi t'i përgjigjet me ironi ish-mbrojtësit të Milan Billy Costacurta. Ai e kishte kritikuar sulmuesin argjentinas menjëherë pas shortit të çerekfinaleve të Champions League. Të hënën, më 25 mars, Lautaro vendosi të flasë dhe t'i përgjigjet kritikave të ish-flamurit të Milan.
ÇFARË THA COSTACURTA PËR LAUTARO
Në ditën e shortit të çerekfinaleve të Champions League, Billy Costacurta, duke analizuar mungesën e Inter, i eliminuar nga Atletico Madrid, nënvizoi se si e zhgënjeu Lautaro në ndeshjen e dyfishtë kundër spanjollëve: “Prisja më shumë nga ai dhe madje edhe në Botëror nuk bëri mirë. Në disa skena Lautaro nuk është në gjendje të shfaqet plotësisht. Në Europë duhet një mentalitet tjetër".
REPLIKA E ASHPËR E ARGJENTINASIT
Nga grumbullimi i kombëtares së Argjentinës, sulmuesi i Inter ka dashur t'i përgjigjej në mikrofonët e TyC Sports: "Nëse dikush përmend emër dhe mbiemër më bezdis më shumë. Ajo që thotë Costacurta nuk është e vërtetë. Ka raste kur njerëzit nuk e kontrollojnë veten në atë që thotë. Disa komente të lëndojnë”. Pastaj shigjetimi ironik: "Unë shënova në gjysmëfinalen e Champions League kundër Milan, një nga ndeshjet më të rëndësishme në historinë e dy klubeve. E ftoj ta shikojë atë ndeshje".
