A do të qendrojë Massimiliano Allegri te Juventus në fund të sezonit? Përgjigjen ndoshta e di vetëm trajneri bardhezi, i cili pas humbjes ndaj Udinese, mund të vendosë një pikë në eksperiencën e dytë në Torino. Ai që mendon ndryshe është Giovanni Galeone, trajneri i Max gjatë kohës te Pescara, por mbi të gjitha “mentor” i teknikut livornez. Duke shkuar pak kundër asaj që mendojnë tifozët, trajneri napolitan e këshillon nxënësin e tij Allegri që të qëndrojë të paktën deri në fund të kontratës.
"Unë mendoj se Max dëshiron të qëndrojë te Juventus. Ai ka ende një vit në kontratën e tij dhe është i lumtur me të rinjtë që po stërvit dhe po zhvillon. Nëse shkon në Champions dhe do të shkojë në Champions, është e drejtë që Max të qëndrojë në Torino. Klubi gjithashtu e njohu vlerën e tij në momente të vështira - rrëfeu Galeone në një intervistë për La Gazzetta dello Sport -. Si ndihet Allegri me drejtorin Giuntoli? Sinqerisht, unë dhe Max jemi mësuar të flasim dhe diskutojmë lojtarët dhe skuadrat, ne kurrë nuk flasim për drejtuesit. Nuk mendoj se e kam pyetur ndonjëherë për të, ashtu si në të kaluarën nuk kam bërë kurrë pyetje për Paratici e Nedved".
Lexo më tej: Akuza të ashpra ndaj Abisso: Allegri e pëson për "kritika mosrespektuese" ndaj arbitrit
MERKATO NUK ËSHTË KUSHT
Me pak fjalë, merkato nuk duket të jetë problem për teknikun Allegri që mund të përjetojë një mini-revolucion në verë. Do të largohen Filip Kostic, Alex Sandro dhe Samuel Iling Junior, shqetësojnë rinovimet e Moise Kean dhe Federico Chiesa. Nëse në rastin e parë sulmuesi u ndal pas vizitave mjekësore me Atletico Madrid dhe për këtë arsye mund të mendohet një qëndrim i mundshëm përtej skadimit të kontratës me një pagë të shpërndarë në disa vite, për të dytin situata është gjithmonë më e ndërlikuar falë shpërthimit të Kenan Yildiz, dëmtimeve të vazhdueshme dhe vështirësive të dukshme për t'u përfshirë në skemat e Max Allegri. Një tjetër emër i rëndësishëm që mund të largohet shumë shpejt nga Continassa është Paul Pogba, në pritje të vendimit për testin pozitiv antidoping, që do ta shtynte klubin piemontez të mos e presë.
