Reperi Geolier u rendit i dyti në Festivalin e Sanremos. Një humbje që erdhi thuajse e papritur pas suksesit të madh të votave të publikut në Itali. Por votat e shtypit përmbysën rezultatin përfundimtar, duke e ndezur popullin napolitan që kishte besim në fitoren e tyre. Por me kthimin e tij në qytet pati një festë të madhe për të dhe... brohoritje si në stadium.
GEOLIER E KORI KUNDËR JUVENTUS
Geolier i befasoi të gjithë në Sanremo me një këngë në dialektin napolitan me tekst shumë të thellë. Për shumë kjo ishte një shfaqje kundër diskriminimit që i bëhej rajonit. Sidoqoftë në fund, Angelina Mango doli fituese. Pasi u kthye në Secondigliano, reperi i gjeti rrugët të mbushura me fansa që festuan me të.
Lexo më tej: Festivali i Sanremo-s: Shpallet fituese Angelina Mango
E në këtë mënyrë shpërtheu një brohoritje stadiumi, ose më saktë “kush nuk kërcen është juventin”. Në rrjetet sociale disa kanë folur për brohoritje që ishin në fakt të drejtuara kundër Angelina Mango. Por vetë reperi e saktësoi më qartë se kujt i drejtohej: "Asgjë kundër Angelina, nuk ka urrejtje në muzikë. Ishte thjesht një brohoritje kundër Juventus dhe unë jam napolitan, jo juventin. Mjaft urrejtje, muzika është bashkim". Nga këngëtar në Sanremo në lider të ultrasve u desh vetëm një moment dhe Geolier ndezi sërish rivalitetin mes dy skuadrave.
