Cristiano Ronaldo prej vitesh është në majën e piramidës dhe në karrierën e tij të gjatë, e cila vazhdon në Arabinë 'e artë' Saudite, ka arritur të krijojë një pasuri të madhe. Për këtë arsye kampioni portugez, me “kursimet” e tij, vendosi t’i bëjë vetes një dhuratë të jashtëzakonshme. Padyshim, kjo dhuratë është e paarritshme për shumicën dërrmuese të njerëzve. Blerja e fundit e bërë nga CR7 është një rekord: një super vilë e blerë në Jumeirah Bay, e njohur më mirë si "Ishulli i Miliarderëve" të Dubait me vlerë dhjetëra milionë euro.
VILA E RE E CR7 NË DUBAI
Jumeirah Bay është një nga vendet më ekskluzive në planet: një ishull artificial që përfshin vetëm resorte ultra luksoze dhe vila të jashtëzakonshme të pajisura me çdo lloj komoditeti. Çmimi i shtëpisë së re të blerë nga Cristiano Ronaldo nuk është bërë i ditur, por siç hipotezon Bloomerang Linea, flitet për një shpenzim mbi 10 milionë euro.
Lexo më tej: Globe Soccer, Cristiano Ronaldo fiton 'Maradona Award': mposhten Haaland, Mbappé e Kane
Gjashtë dhoma gjumi, akses privat në plazh, garazh për një flotë prej 7 makinash, një spa me palestër të bashkangjitur, akomodim për punonjësit dhe një pishinë me pamje nga Dubai për një madhësi totale prej rreth 30 mijë metra katrorë. Shtëpia e re “modeste” e portugezit duhet të jetë e strukturuar kështu, edhe pse për arsye privatësie detajet e pronës nuk janë bërë të ditura.
NJË MILIARDER NË ISHULLIN E MILIARDERËVE
Numri i njerëzve me llogari bankare nëntëshifrore për kilometër katror në Jumeirah Bay tejkalon çdo vend tjetër në Emiratet e Bashkuara Arabe. Ka shumë manjatë që zotërojnë prona dhe tani atyre do t'u bashkohet edhe Cristiano. Gjëra të një tjetër bote...
