Atalanta humbi 1-0 përplasjen për zonën Champions League kundër Bolonjës, falë golit të Ferguson në fund. Një ndalesë që largon bergamaskët nga vendi i katërt. E Gasperini ka dhënjë një shfaqje të vërtetë në anë të fushës kur kërceu përpjetë për një faull që nuk u fishkëllye.
ÇFARË THA GASPERINI
“Ti copë mu*i”, ishte fraza fyese e përdorur nga tekniku Gasperini kur arbitri Rapuano nuk fishkëlleu për një faull në sulm, duke lënë lojën të vazhdonte. Një fyerje që gjithsesi arbitri nuk e kuptoi, duke qenë se tekniku i Atalantës ishte i kthyer me shpinë nga ai.
Lexo më tej: Video/ Gasperini i tërbuar, nxjerr jashtë gazetarin nga konferenca për shtyp
ME KË E KISHTE TEKNIKU?
Tekniku ishte shumë nervoz gjatë ndeshjes dhe madje mori një karton të verdhë. Trajneri i Atalanta donte të largohej me pikë nga Dall'Ara dhe humbja ia komplikoi planet. Po me kë u zemërua Gasperini kur e artikuloi atë fyerje? Pamjet nuk janë shumë të qarta pasi në momentin e thirrjes ai ishte kthyer nga pankina ku ndodhej edhe arbitri i katërt. Fakti është se i dyshuari kryesor duhet të jetë arbitri Rapuano, pikërisht për mos fishkëllimën e atij faulli. Tekniku zikaltër, për fatin e tij, nuk u sinjalizua nga arbitri i katërt dhe iu shmang përjashtimit.
